關於我們
資訊安全
幫助中心Blog
EN
 / 

【佛系投資】MPF懶人基金係咩玩法?回報率好唔好?

blog.added_on 17-09-2018

記唔記得,你有幾耐冇查閱過強積金戶口?又有幾耐冇更改過投資組合?

香港打工族勞勞碌碌,好多人一早已遺忘,或根本從來冇理過自己嘅強積金戶口。為解決「孤兒」強積金戶口問題,自去年4月起,市面上嘅強積金計劃提供「預設投資策略」(DIS),即俗稱嘅「懶人基金」,不過唔少人至今仍然唔太了解「懶人基金」係咩玩法。

「懶人基金」主要由兩部份組成:

核心累積基金(CAF,18歲至49歲適用):60%權益投資喺較高風險資產,其餘40%投資喺較低風險資產

65歲後基金(A65F):20%權益投資喺較高風險資產,其餘80%投資喺較低風險資產

至於50歲至64歲之間,則會隨年齡增長,逐步減持CAF及增持A65F。

「懶人基金」有三大特色:

  1. 為退休作準備:喺冇任何指示下,投資風險隨成員接近退休年齡,自動逐步降低。

  2. 收費合理:管理費上限係基金淨資產值0.75%;經常性實付開支上為0.2%,合共為0.95%,低過目前1.56%嘅平均開支比率。

  3. 分散投資:成員嘅資金會投資喺全球不同市場嘅股票、債券等,以減低風險。

咩情況下強積金會轉換成「預設投資策略」?

話明係「懶人基金」,當然係懶人專用!如果你冇就強積金投資策略作任何指示,或指示唔清晰,資金就會以預設策略管理。當然,打工仔亦可自行選擇將強積金供款放入「懶人基金」或旗下嘅兩大選項。報道指,今年首季新增強積金戶口中,1/4都使用咗「懶人基金」,其中7成係打工族主動選擇。

「懶人基金」投資組合有啲乜?
以下係𣾀豐銀行永明強積金嘅「核心累積基金」投資組合,當中不乏蘋果、微軟、亞馬遜等科技巨賈,原來咩都唔使做,就可以一嘗投資呢啲超級企業。

𣾀豐:

永明:

「懶人基金」回報率好唔好?

「懶人基金」為一眾唔熟強積金省時省力,但大家最關心嘅係,到底佢投資表現係點?大家可以參考香港投資基金學會報告,比較一下,截至今年7月31日,「懶人基金」同其他基金喺過去一年嘅表現及收費。

與進取或保守嘅基金組合比較,「懶人基金」表現唔算最出色,但風險較低、收費亦唔係好貴,以其「懶人」特質而言,可謂係不過不失嘅投資組合。無論大家揀咩組合,都記得仔閱讀基金回報率及收費,以好好為退休作準備。Planto日後會向你提供更詳盡嘅強積金資訊及分析工具,請拭目以待!

關於Planto

Planto於香港大學創新及創業中心組成,係一間正急速發展嘅初創企業,我哋得到數碼港及一批來自香港、英國及加拿大嘅投資者及資深顧問支持,助香港用戶向買樓、進修等人生目標進發。請到www.planto.hk了解更多。

請即Like Planto facebook專頁,或到頁底留底電郵訂閱電子通訊,收接收我哋最新消息及第一手理財資訊!

準備實現人生大計?

Planto app已推出iOS及Android版本!馬上登記,為實現理想邁出第一步。