關於我們
資訊安全
幫助中心Blog
EN
 / 

【婚禮預算】香港擺酒VS旅行結婚開支比較 海外婚禮慳錢定燒錢?

blog.added_on 05-09-2018

一場浪漫婚禮,係夫婦甜蜜美好嘅回憶。喺香港搞一場禮面婚禮所費不菲,有調查話平均開支係$33萬,其中擺酒佔約17萬,絕對唔係小數目。好多人選擇旅行結婚,取其低調而獨特,兼慳番一筆酒席錢。不過,新人揀旅行結婚要付出額外機票、酒店、註冊費及中介費等開支,埋單真係慳到錢?以下向你介紹海外婚禮慳錢及燒錢做法。

旅行結婚慳錢法

旅行結婚嘅最慳錢方法,莫過於舉辦一場只有二人參加嘅海外婚禮。

香港人嘅熱門旅行結婚地點有日本沖繩、輕井澤、美國關島、夏威夷、塞班島、印尼峇里島、馬爾代夫、泰國布吉島、蘇梅島等地。以較受歡印嘅沖繩、峇里島為例,婚禮策劃公司嘅基本套餐為3萬至5萬元起,每間公司所包服務各有不同,大致如下:

  • 雙人來回機票及1-2晚酒店

  • 租用教堂及安排行禮

  • Big Day攝影連相簿一本

  • 租借婚紗及禮服

  • 新娘化妝

  • 場地佈置、花球、襟花等

如要喺海外合法註冊、製作婚禮DVD、加相、舉行派對或晚宴、於旺季出發、交通接送等,則要逐項加錢。

如果你和另一半性格低調,不愛浮華與鋪張,大可唔邀請任何親友,只用上述嘅海外婚禮基本套餐,喺浪漫二人世界中共諧連理,咁樣的話,你嘅海外婚禮連蜜月花費只需5萬元內。當然,戒指、禮金等支出未包括在內。

燒錢海外婚禮

海外婚禮可以好慳錢,亦可以好燒錢,主要視乎你請幾多人觀禮。再以沖繩、峇里島等亞洲結婚勝地為例,請四大長老及其他親友觀禮,機票、酒店、交通接送等開支甚巨。

以下根據坊間旅遊網站及婚禮公司資訊,粗略計算請一名親友到沖繩觀禮連3日2夜嘅洗費,具體價錢因應酒店級數、教堂與機場距離等略有不同。如為親友安排化妝及其他旅遊節目,洗費自然更貴。

假設新人邀請30名親友,埋單要洗18萬,連同海外婚禮套餐中嘅攝影、服飾及場地等開支,料索價約23萬。新人想只求打個和,開開心心玩返晚,一啲都唔容易。

香港擺酒 VS 慳錢旅行結婚 VS 燒錢旅行結婚

旅行結婚難靠人情回本?

另一樣要留意嘅係,邀請賓客參加海外婚禮嘅新人,係極難靠收人情「回本」。調查指,近4成新人認為,出席海外婚禮嘅賓客應畀$1,001至$2,000人情,20%人指$2,001至5,000先合理;賓客方面,23%人傾向只畀$500至$1,000,最多人認同嘅禮金係$1,001至2,000,達34%;只有10%人認為應畀$2,001至$5,000。

超過一半賓客只願畀$2,000或以下,但請每名賓客嘅成本高達$6,000,「回本」機會微乎其微。換言之,新人為越多親友「包底」,開支及「蝕本」機會就越大。如純粹「邀請」親友而要佢哋自行埋單,部份獲邀親友可能卻步。結果,扣除收回嘅人情,燒錢版旅行結婚開支隨時貴過喺香港擺酒。

所以呢,如果從成本角度考慮,旅行結婚似乎比本地婚禮更難回本,各位財政緊絀嘅新人請慎重考慮。

關於Planto

Planto於香港大學創新及創業中心組成,係一間正急速發展嘅初創企業,我哋得到數碼港及一批來自香港、英國及加拿大嘅投資者及資深顧問支持,助香港用戶向買樓、進修等人生目標進發。請到www.planto.hk了解更多。

如果對想接收更多關於置業及理財資訊,請到頁底留底電郵,訂閱電子通訊。

準備實現人生大計?

Planto app已推出iOS及Android版本!馬上登記,為實現理想邁出第一步。