關於我們
資訊安全
幫助中心Blog
EN
 / 

【香港生存學】年輕人每月最低消費係幾多?租金係儲錢最大敵人

blog.added_on 09-10-2018


香港近年通脹驚人,有報道話本地生活成本全球第四高。噚日筆者收工去連鎖快餐店食個焗豬排飯,連飲品索價竟要近60蚊,當堂嚇一跳,然後得啖苦笑。面對百物騰貴,到底一個香港80、90後年輕人,每月要洗幾多錢先夠安身立命?

以下撇除儲蓄及買奢侈品等因素,計一計香港年輕打工族生活最低消費。筆者並非提倡大家過「苦行」生活,故計算開支時,係以一種稍為節儉,但不失基本娛樂及社交嘅生活為基礎,具體細節當然因人而異。

與父母同住嘅單身男女

與父母同住係一件幸福嘅事,免卻你挨貴租之苦,伙食亦慳番唔少。以下假設一位香港年輕大學畢業生,剛剛踏入社會全職工作,平日多數只會喺中午出街食、晚上消遣活動唔多,假日娛樂亦只係最普通嘅行街、食飯、睇戲;家用畀3,000蚊,對職場新鮮人而言屬合理。每月基本洗費如下:

調查指,香港大專畢業生平均人工係14,978元,如果你大約搵呢個數,減去上述開支,每月只淨番5,028元,大概只夠來一趟短暫嘅台灣、泰國之旅,或窮遊日本就未必足夠。就算一年去幾次旅行,對你而言唔係大負擔。但想換新iPhone,就要有兩個月糧先足夠。

假如你儲蓄一年,將有60,336元,數年內可儲夠錢喺本地或海外讀個碩士學位,增值自己。但若然要喺冇父幹、人工冇大幅增長情況下,由零開始儲錢首期置業,相信要較長時間,或努力發奮,寄望日後人工增幅助,再加上透過投資增進財富,更快實現目標。

租樓住嘅年輕情侶或夫婦

如果你同另一半租樓住,洗費更百上加斤。以下假設兩小口租住一個新界兩房單位,除咗上表嘅個人每月最低消費外,你將要付擔以下額外開支。假設租金及共同開支一人一半,家用一項則由於搬咗出去住,所以酌情減番1,000蚊。 如上表所示,你個人及家庭開支合共達18,950元,大學畢業生未必應付得到,更遑論儲錢買樓。你有可能要節省日常飲食、娛樂開支,加上一定嘅薪金增長,先至有餘錢儲蓄,以邁向結婚、置業、生兒育女等人生里程碑。

置業夢離我很遠?

上車,係香港新世代嘅共同難題。如果你本身正在租樓,每月要用多幾千蚊,好有機會拖慢儲首期進度。因此,喺未迫切要擁有私人空間前,與家人同住,對推進儲蓄大計極有幫助。

如果你已儲到首期及買樓所需雜費,日後每月供款,加上管理費及差餉,一般都同租金支出相若或更貴。再諗遠少少,如果日後同另一半生B,上述「最低消費」馬上拾級而上。

因此,各位年輕上班族,必須有適當嘅理財及儲錢計劃,先可以喺香港過到舒適、自在嘅人生。也許迫人生活教人無奈和不甘,卻真實得很。筆者含着淚和汗與大家共勉之。

推薦閱讀:買樓VS租樓:5大重要考慮因素

關於Planto

Planto於香港大學創新及創業中心組成,係一間正急速發展嘅初創企業,我哋得到數碼港及一批來自香港、英國及加拿大嘅投資者及資深顧問支持,助香港用戶向目標進發。請到www.planto.hk了解更多。

如果想接收更多關於置業、儲錢及理財資訊,請到頁底留底電郵,訂閱電子通訊。

準備實現人生大計?

Planto app已推出iOS及Android版本!馬上登記,為實現理想邁出第一步。