關於我們
資訊安全
幫助中心Blog
EN
 / 

【重返校園】出國讀碩士要洗幾多錢?點樣申請海外升學獎學金?

blog.added_on 28-09-2018

今年廿幾歲嘅你,喺本地大學本科畢業,投身職場數年,日日喺辦公室對着四幅牆,然後回家對着更細嘅四幅牆,你或許開始習慣營營役役地生活,但小小城市如何困得住無限大嘅心?身邊越來越多朋友選擇出國,或若去working holiday,或若純粹用gap year放空,甚至讀個master degree先返香港再拼搏。

去外國讀master?好貴喎。喺倫敦帝國學院讀一年制full time MBA,淨學費已超過50萬,去澳洲、新加坡會平少少,但連生活費,廿萬以上實走唔甩,加上讀書時未必有穩定收入、回港後就業前境未明等,都令人舉棋不定。有心出走而未儲夠錢,可考慮申請坊間獎學金,助你振翅高飛。

出國讀碩士要幾多錢?

縱使天空海闊任你闖蕩,但全球大學碩士課程資料如沙數恆河,難免令人不知從何入手。利用Planto嘅計劃目標功能,不消幾分鐘,你即可掌握出國讀碩士嘅學費及生活費,並製定儲蓄計劃,助你完成負笈海外嘅夢想

Planto從美國、英國、加拿大、澳洲、新西蘭及新加坡超過1,300所學府,搜羅逾10,000個課程數據,你只需從中挑選一個課程,並輸入你幾時想去讀書、每月儲蓄等數據,系統馬上評估到你能否順利完成目標,並提供實用理財建議

舉例說,假設你計劃3年後報讀英國牛津大學電腦科學碩士課程,現時有$100,000儲蓄用作升學,未來每月儲$5,000,就會有足夠資金實踐計劃。如果你輸入埋在學期間預計收入,系統更可計算海外進修計劃會否影響其他目標。

想率先體驗Planto計劃海外升學功能,請喺本頁底部填寫電郵登記。

適合香港在職人士申請嘅海外升學獎學金

圖:Unsplash 睇到呢度,相信你已清楚點樣利用Planto計劃海外升學。如果你資金不足,或想更早實現目標,可考慮申請坊間嘅海外升學獎學金計劃*,若成功申請,分分鐘幫你慳到一大部份甚至全數學費。

香港卓越獎學金計劃 香港著名獎學金計劃之一,每年喺禮賓府舉行嘅頒獎禮都有唔少傳媒採訪。得獎者可獲最多25萬;另經入息審查發放最多20萬助學金

申請資格:承諾畢業後回港工作最少兩年或獎學金資助年期;擁有本港居留權/入境權/持單程證,以及境外課程開始前連續居港滿三年等

尤德爵士紀念基金海外研究生獎學金 為紀念已故港督尤德而設,已有超過30年歷史。海外研究生獎學金最高金額為每年30萬,期限最多3年

申請資格:香港永久居民;喺香港完成至少連續7年全日制課程;獲所選學校取錄等

柏立基爵士信託基金研究生課程獎學金 呢項歷史悠久嘅獎學金喺1961年成立,喺本地或海外讀研究生均適用,金額視乎申請人狀況而批核,獎金未必夠支付全額學費

申請資格:喺香港連續居住至少5年;獲推薦以證明申請人學術或專業成就;資助期滿後,最少須返港工作三年等

英國伯明翰大學研究生香港獎學金 專為報讀伯明翰大學的學生而設,獎學金等同修讀一年制碩士課程的學費,由基金直接付款畀校方繳交學費

申請資格:持特區成BNO護照並居港滿7年;喺本港專上學院取得學位;透過正常入學程序申請入讀伯明翰大學; 未曾留學英國;能付擔留學其他費用等

志奮領(Chevening)留英獎學金 志奮領留英獎學金由英外交部與夥伴機構合辦,資助世界各地菁英負笈英國,攻讀一年制碩士學位。獎學金得主可獲得全額學費補助

申請資格:具二年以上工作經驗;計畫赴英攻讀為期一年嘅碩士課程;具英語能力符合要求;申請者須凖備大學成績表、兩份推薦信等

出國讀碩士係一件既浪漫又實際嘅事,你可以一邊享受人生、增廣見聞,一邊充實自己,為日後重返職場做好準備。希望你會享受喺異鄉重返校園。Planto未來會為你帶來更多進修及儲錢貼士。

*各獎學金金額、申請資格或有所修改,請以有關機構提供嘅資料為準。

關於Planto

Planto於香港大學創新及創業中心組成,係一間正急速發展嘅初創企業,我哋得到數碼港及一批來自香港、英國及加拿大嘅投資者及資深顧問支持,助香港用戶向買樓、進修等人生目標進發。

請即Like Planto facebook專頁,或到頁底留底電郵訂閱電子通訊,收接收我哋最新消息及第一手理財資訊!

準備實現人生大計?

Planto app已推出iOS及Android版本!馬上登記,為實現理想邁出第一步。