Planto功能
關於我們
資訊安全
幫助中心Blog
EN
 / 

發佈日期 14-11-2018

Read in: English

Planto 101:極簡理財懶人包

Planto為用戶提供最簡單、最快捷的理財方式,以下分享多招實用小貼士,助你快速成為理財達人。如果你發挖到更多獨門使用心得,都歡迎隨時透過Live Chat或發電郵到hello@planto.hk與我哋分享!

簡易記賬法

我剛剛找完卡數,最佳記賬方式係?

找卡數時,Planto自動將款額列為「內部轉賬」,但前題係先連結儲蓄戶口,以及繳付金額與欠費金額一致。(有時可能要1至2日後先睇到呢筆記錄)如果Planto未支援你交卡數所用的機構或商戶,款項可能被歸類為「收入」。如發現呢種情況,請進入「收支」頁面,點擊交易記錄,將類別由「收入」改為「內部轉賬」。按「星號」記錄分類習慣,就更加方便。

我成個銀包都係收據…

用手機拍攝收據,進入Planto app「收支」頁面,點擊交易記錄,選擇「上載收據」,完成後你可隨時查看收據。

我幫公司買完嘢…

「收支」頁面,選擇「更改類別」,點擊「工作開支」,然後拍攝並上載收據。

img

我儲緊錢,想知自己今個月有冇洗凸…

「主頁」中,點選第二個資訊欄,就可設定及查看本月預算,包括收入、儲蓄目標、已用開支及尚餘可用金額。

我個個月都畀家用,但媽咪淨收現金…

「收支」中,點擊右上角「+」符號,選擇「現金交易」,並設定為支出。然後叫媽咪下載Planto,重複同樣步驟,但將家用設定為收入,等佢好好記錄仔女嘅孝心。

img

我想搵番上個月某餐飯食咗幾錢…

「收支」中,點擊左上角圖示,輸入交易記錄的關鍵字(如店舖名稱或分類),即可搵到相關交易記錄。

輕鬆管理目標

Planto未有我計劃緊嘅目標喎…

請使用「自訂目標」功能,亦歡迎與我哋分享你嘅目標,讓我哋研究加入你的目標。

img

我好努力地儲緊錢,點樣可以睇到進度?

想養成良好儲錢習慣,Planto的自訂目標功能幫到你!例如你想於3個月內儲到$30,000,請選擇「自訂目標」,並填寫幾項資料即可。

你可每月自我追蹤儲錢進度。只須於主頁中,選取第二項資訊框,即可睇到當月預算、收入、儲蓄目標、已用開支,**以及剩餘的可用預算**。你亦可於同一版面中,修改收入及自訂預算。

其他使用心得

我忍唔住想向朋友介紹Planto,但我副身家係不能說的秘密…

唔使怕,點擊右上角人仔圖示,於設定中選擇「隱藏數字模式」,即可用隱密方式瀏覽Planto介面。

我買咗件衫,價錢係$365.3,但記錄入面少咗3毫字…

只須點擊右上角人仔圖示,於設定中選擇「顯示小數點後數值」,即可查看準確至小數分點後個位(毫及分)的數值。

準備實現人生大計?

Planto app已推出iOS及Android版本!馬上登記,為實現理想邁出第一步。

香港灣仔駱克道41號東成大廈18樓1801-03室
Planto Limited © 2019