關於我們
資訊安全
幫助中心Blog
EN
 / 

5招極簡理財之道 用斷捨離實現「財務自由」

blog.added_on 19-08-2018

近年設計同潮界流行極簡主義(minimalism),除咗提升收納空間及美感、一屋無印傢品及簡約衣着外,要實踐極簡主義內涵,你更可以從理財態度及方式入手,由外到內達致真正嘅「斷捨離」。

奉行理財極簡主義(financial minimalism)可減省開支,亂七八糟嘅賬目從此化繁為簡,個人財致狀況一目了然,慳番唔少理財時間及心機,助你作出更精準嘅理財決策。點樣先可以做到?以下係5項建議:

1. 用網上賬戶代替紙賬單

你有冇數過一個月收到幾多份電費單、水費單、管理費單、電話費單、上網費單、銀行月結單?每次花時間睇完賬單後,儲起佢賺阻掟,丟咗佢又怕第時要用,而且賬單上有個人資料,要碎屍萬斷先放心放入垃圾桶……不如轉晒做網上賬戶,環保之餘,亦方便儲存及隨時查閱,唔使對住叠紙賬單咁頭痕。

2. 取消不必要賬戶

香港銀行網絡分兩大派系,分別係𣾀豐 / 恒生系,以及中銀、東亞等中資組成嘅銀通系。要方便用晒兩大派系嘅ATM及服務,香港人閒閒地都有兩個或以上銀行戶口,再加埋為按歇、信用卡等而申請賬戶,淨係記密碼同睇月結單都煩死你。不如乾乾脆脆,cut咗你唔常用嘅銀行戶口及信用卡啦!既容易管理,亦避免到「唔覺意」被銀行收手續費嘅風險。

3. 用一站式app整合銀行戶口

cut晒不必要嘅戶口後,你可以用Planto整合餘下賬戶,一個app睇晒所有戶口開支,係咪好方便先?Planto仲可以根據你設定嘅買樓、旅行、結婚、退休等目標,度身訂造理財計劃,幫你實現夢想!

4. 減少不必要嘅開支

一日一杯Starbucks,一年開支隨時過萬。啡咖癮好難戒?不妨學習自己沖,有情調之餘,長遠亦慳番唔少。其他經常性開支如健身會籍、串流或收費電視戶口等,係咪全部都係必需品?家中嘅衣物、玩具、雜物等,可唔可以減少少?網購好容易使凸,請忍吓手。學懂「斷捨離」,儲錢更輕鬆。

以下介紹番幾招慳錢方法:
了解更多:每天慳錢多一些 日本離我又近些

5. 用長遠投資代替短炒

如果你自問係股神,可不必理會此項。但筆者同好多香港人一樣,只係營營役役嘅打工仔,每日番工用咗10個鐘,能夠𥄫住股市嘅時間實在有限。與其喺起伏不定嘅股海浮浮沉沉,不如集中做長期而穩健嘅投資,如買藍籌股、盈富基金或其他相對低風險嘅基金。如計劃買樓,市區大型屋苑往往抗跌力會比單幢樓好,而新樓溢價較高,風險比二手樓大。做長遠投資,回報率未必比短炒好,但勝在風險低,你毋須日日費神睇實個市,心理壓力少啲,唔怕影響日常工作效率。

揾錢本身已經係一種煩惱,但管錢嘅麻煩程度猶有過之。要享受真正嘅「財務自由」,除咗要有充裕財富令你毋須為口奔馳,亦要有一套簡單而有效嘅理財方法,令你不再為管理財富而大費周章。Planto會幫你用最簡單嘅方法,實現理財及人生大計。

關於Planto

Planto於香港大學創新及創業中心組成,係一間正急速發展嘅初創企業,我哋得到數碼港及一批來自香港、英國及加拿大嘅投資者及資深顧問支持,助香港用戶向目標進發。請到www.planto.hk了解更多。如果對想接受更多理財資訊,請到頁底留底電郵,訂閱電子通訊;亦歡迎like我哋facebook,緊貼最新消息。

準備實現人生大計?

Planto app已推出iOS及Android版本!馬上登記,為實現理想邁出第一步。