上班族每日面對排山倒海的工作，百忙中偷時間尋找特價機票，計劃下次忘憂假期，是很多香港人的苦中一點甜。旅遊分淡旺季，機票時平時貴，到底幾時買機票，先慳得最盡？
與其望穿秋水等特價降臨，不如參考以下5招建議，擇日搶平機票！
1. 人棄我取——揀淡季出發
籠統而言，農曆新年、聖誕、復活節及暑假等長假期都屬於外遊旺季，節慶日子如泰國潑水節、日本春季花期等，例必吸引大批遊客朝聖，難有平機票。
因此，你不妨睇準各國淡季出發，機票酒店平一截。CNN Travel 建議幾招偏方，包括：
- 在雨季去印尼峇里島、泰國或菲律賓，感受不一樣的寧靜沙灘或玩河上飄流；
- 夏天去芬蘭冬季熱點拉普蘭（Lapland），體會24小時日不落的精彩；
- 想探索地中海，如果你不是非到沙灘不可，冬天亦是觀光好時節。
芬蘭拉普蘭夏季十分風光明媚。photo credit: onlyinlapland
2. 瞄準最平起飛時段
揀下午或深宵出發，更易訂到平機票。夜機出發不一定蝕底，你大可在機上瞓覺，好整以暇，翌晨抵步後享受一頓豐富早晨，再開始旅程。
起飛前幾耐訂機票最抵？Skyscanner的研究報告指，平均而言最佳訂機票時機為出發前4至5個月，但具體情況因地方而異，以下是部份熱門地點的最佳訂票時機：
以由香港飛曼谷航班為例，Planto在2018年8月，分別比較在8月、10月及11月預訂周一起飛、周五折返的來回機票價格。
結果不出所料，提前8周預訂10月機票，可慳15%；現時預訂11月出發機票，更可節省21%！
8月（數日後出發）
10月（8周後出發）
11月（3個月後出發 + 飛曼谷最抵月份）
3. 星期二之搶機票約定
國泰航空及國泰港龍航空每逢星期二早上8點推出fanfares優惠，吸引不少人每周定時定候搶機票。Skyscanner指，不少航空公司於周一開賣新一批機票，經過一輪搶購後，部份賣剩機票會於翌日割價促銷。
4. 晚鳥優惠
不過，別以為一定未雨綢繆先訂到筍機票，旅遊網Expedia提供最後召集優惠，畀旅客預訂幾日內出發及入住嘅特價機票和酒店，遲起嘅鳥兒有機會喺度尋到寶。不過，最後召集優惠明顯係賣剩蔗，可選嘅目的地或時間未必理想。再者，臨急臨忙先訂機票，你預咗好難連續入住同日酒店房多天，熱門嘅景點門店亦未必訂到。
5. 轉機：用時間換金錢
直航到目的地方便快捷，須轉機的航班價錢有時更抵。以香港飛悉尼為例，用Skyscanner找到的最平機票，都須轉機才能抵達目的地，航程多長4小時，節省超過1,500元。此舉無非用是用時間換金錢來慳錢，適合擁有大量假期的朋友。
轉機：
直航：
