Planto功能
關於我們
資訊安全
幫助中心Blog
EN
 / 

【自願醫保扣稅攻略】想知慳到幾多稅?報稅前必睇5大重點!

【自願醫保扣稅攻略】想知慳到幾多稅?報稅前必睇5大重點!

blog.added_on 18-12-2018

自願醫保計劃(Voluntary Health Insurance Scheme 簡稱 VHIS)其中一個賣點就係保費支出可成為「扣除」,降低你嘅應課稅入息,變相達到扣稅效果。想知自願醫保可以幫你慳到幾多稅?報稅前,你要留意以下5個重點︰

1.點計自願醫保扣稅額?

2018-19年度財政預算案公佈,每名受保人每年可用作扣稅的自願醫保保費「扣除」額為$8,000。有關扣稅安排已於2018年10月31日經立法會通過。大家喺2019/20年課稅年度就可以申報保費支出作扣稅之用。

扣稅額嘅估算方式其實十分簡單︰

自願醫保保費 X 稅率 = 扣稅額

如果你嘅保費係$5,000,稅率係2%,可獲扣稅金額就係$100﹔如果你嘅收入達到最高稅率17%,可獲扣稅金額就係$850

交幾多稅就要睇埋免稅額

薪俸稅計算公式︰個人應課稅 = (入息總額「扣除」額免稅額) X 稅率

用最簡單嘅例子解釋,假設你嘅年收入係$18萬,只有個人免稅額($13.2萬)及自願醫保「扣除」額($5,000),喺2018/19年課稅年度,你就要交咁多稅喇︰

($180,000 – $5,000 – 132,000)X 2% = $860

2.留意邊個係合資格「受養人」

合資格「受養人」

稅務條例草案定明,只有合資格「受養人」嘅保費支出先有得扣稅,所以你要了解清楚「受養人」定義,當中包括︰

  • 納稅人之配偶及子女
  • 納稅人之父母、祖父母、外祖父母及兄弟姊妹
  • 配偶之父母、祖父母、外祖父母及兄弟姊妹

幫年紀較大嘅「受養人」買自願醫保,會有較大機會用盡「扣除」額。因為保險公司於核保時,會參考其年齡來評估保費,年紀較大人士嘅保費通常較貴,「扣除」額自然較高。

換言之,如果你有兄弟姊妹,就要同佢哋夾清楚邊個負責幫父母買自願醫保、邊個可以申報有關「扣除」額,到時爭住報就唔好啦。

3.幫埋屋企人買慳最多稅

null

明報健康網於2018年3月曾報導,根據2017年保費推算,自願醫保平均價錢約$4,800。

自願醫保平均保費

資料來源︰明報

淨係幫自己買自願醫保,好明顯唔會用盡「扣除」額。

如果你想慳多啲稅嘅話,你可以幫「受養人」買埋自願醫保,因為根據《 2018 年稅務(修訂)(第4 號)條例. 草案》,每名受養人嘅保費支出都可以扣稅,而且人數不設上限,假設你幫自己同3名「受養人」買自願醫保,「扣除」額上限最多可以變成$32,000

假設陳先生夫婦一家8口,需要供養雙方60歲以上父母及一對約20歲嘅子女,家庭年度總收入為$960,000。根據稅務局資料,已婚人士免稅額為$264,000,每名子女免稅額為$120,000,供養每名父或母嘅免稅額為$50,000。

例子1︰全家都冇買自願醫保*

應課稅入息︰$960,000 – $264,000 – $120,000 X 2 – $50,000 X 4 = $256,000

首20萬入息稅款︰$16,000

餘下稅款︰ $56,000 X 17% = $9,520

例子2︰陳先生只幫自己買自願醫保*

自願醫保「扣除」額︰$4,000(根據上述保費表)

應課稅入息︰$960,000 – $264,000 – $120,000 X 2 – $50,000 X 4 – $4,000 = $252,000

首20萬入息稅款︰$16,000

餘下稅款︰ $52,000 X 17% = $8,840

例子3︰陳先生幫一家8口買自願醫保*

自願醫保「扣除」額︰$4,000 X 2 + $2,400 X 2 + $8,000 X 4 = $44,800(根據上述保費表)

應課稅入息︰$960,000 – $264,000 – $120,000 X 2 – $50,000 X 4 – $44,800 = $211,200

首20萬入息稅款︰$16,000

餘下稅款︰ $11,200 X 17% = $1,904

可見,陳先生如果幫埋屋企人買自願醫保,總共可以慳稅超過 $7,600 ,換個角度即係以83折買自願醫保。

*以上例子沒有計算個人進修問支、長者住宿照顧開支、居所貸款利息、強積金供款、認可慈善捐款的「扣除」額。

4.只有食衛局認可產品先有得扣稅

根據食物及衛生局官網,自願醫保計劃推出之後,保險公司需要列明邊隻產品係計劃下嘅認可產品,而認可產品又分為最基本嘅「標準計劃」及保險公司自行設計嘅「靈活計劃」,暫時只有呢兩類產品先有得扣稅。

延伸閱讀︰【自願醫保點揀好?】標準計劃 VS 靈活計劃

保險公司可能會將「靈活計劃」夾埋其他保險產品當一個Package Sell俾你,但你只可以就「靈活計劃」的支出申請扣稅,例子如下表︰

null

由於家居保險並非食衛局認可產品,相關保費支出就唔可以當係合資格稅務「扣除」項目喇!

5.「保費寬限期」會影響扣到幾多稅

大部分保險公司都會提供30日「保費寬限期」,如果投保人冇交一個月保費,只要喺寬限期之內交返保費,張單仍然會生效。

眾所周知,課稅年度最後一日係3月31日,假設你喺過去11個月都有交保費,只係3月暫時斷供,4月中先供返,即使你交晒3月同4月嘅保費,你只可以就11個月嘅保費支出扣稅,4月嘅支出就應該計落下一年度。

假設每月保費為$200,可扣稅之保費支出(3月斷供)= 200 X 11 = $2,200

如果對於年度保費支出同「扣除」額有疑問,最好就搵保險公司出張顯示你年度保費支出嘅「證明書」,跟住張證明去報稅就最穩陣喇!

最後,Bowtie 團隊提返大家,自願醫保原意係保障你嘅突發醫療開支,除咗考慮扣到幾多稅,最好睇埋啲保障適唔適合自己,先至作出投保決定。

相關文章︰【自願醫保懶人包】一文睇晒VHIS有咩保障!

延伸閱讀︰【自願醫保計劃】VHIS產品保障、保費、扣稅、轉保全攻略!

原文︰【自願醫保扣稅 攻略】想知慳到幾多稅?報稅前必睇5大重點!

*本文章內容由Bowtie資訊團隊提供並只供參考,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任。

作者介紹

Bowtie挑戰固有行業傳統,揉合專業知識及尖端科技,改革消費者購買保險的方式、減少多餘的投保、索償程序與魔鬼條款。我們從香港人切身需要出發,提供合身的「純保障」產品。

關於Planto

Planto app是創新的智能個人理財及記賬應用程式,設iOS及Android版本。我們獲香港大學創新及創業中心及數碼港支持,目標是助香港用戶好好理財及儲錢,向買樓、進修等人生目標進發。請到planto.hk了解更多。

請即Like Planto facebook專頁及追蹤Instagram,接收最貼心的理財資訊!

準備實現人生大計?

Planto app已推出iOS及Android版本!馬上登記,為實現理想邁出第一步。

香港灣仔駱克道41號東成大廈18樓1801-03室
Planto Limited © 2019