關於我們
資訊安全
幫助中心Blog
EN
 / 

【佛系投資】好賺過買樓收租!零風險高息港元定存推介

blog.added_on 17-09-2018

提起港元定存,唔少年輕人認為係老一輩先用嘅穩陣儲錢方式,但自今年以來,港元定存市場出現大逆轉,隨着加息周期降臨、人民幣匯價下跌,多間銀行紛紛推出高息港元定期存款優惠吸客,最高達3.8厘!

相比起樓市、股市風高浪急、起伏不定,做定存唔需要任何投資知識,門檻亦唔高,回報率好過買樓做包租公,呢種開完戶口就等收錢嘅「零風險懶人投資法」,相當適合一眾「佛系」投資者或忙碌上班族。當然啦,計埋槓桿,買樓收租回報率仍然可能高一點,但樓價可升可跌,做定存冇呢項風險,投資期亦短,交易成本亦低過買樓,總括而言算係穩陣過收租。

細行定存利息高過大行

以下為你精選坊間較優惠嘅定存計劃,細行當然比大行更好,其中信銀國際嘅3個月定存利率高達3.8厘,係目前全城最筍,多間主要銀行亦推出高過兩厘嘅高息定存*。

懶人投資法有咩好處?

你毋須花時間睇實市場走勢,即可穩定地賺取回報。假設你平均一日花2小時睇住股市、樓市或相關投資資訊,每月耗時60小時,一年用咗720小時,如果你一生投資30年,共花費超過21,600小時,倘若你將呢啲時間用嚟工作,即使只賺最低工資,亦可賺到近75萬。75萬港元或21,600小時,相信足夠讓你實現多個物質或非物質願望。

買樓、結婚、生仔女,都係要長遠規劃及經營嘅人生目標。透過短期炒賣,你或許可以獲得豐富回報率,但誰敢保證自己係常勝股神?坊間有唔少例子,係準新人為急於搵快錢買樓結婚,結果係高風險投資中輸咗個首期。要避免投資失利影響你生涯規劃,你最好為長遠計劃,建立穩健嘅投資策略。

推薦閱讀:5招極簡理財之道 用斷捨離實現「財務自由」

做港元定存有咩要注意?

存款期不宜過長
定期存款利率雖然唔算好高,但基本上穩賺,你唯一要擔心嘅「風險」係市場預期美國繼續加息,加上港匯偏弱令金管局一再出手買入港元,日後可能出現更抵嘅定存計劃,令你未能「賺到盡」。因此,現時做港元定存嘅朋友,建議將存款期定得較短,以半年以內為佳,到期後再視乎到時嘅息率,考慮是否續期。

優惠利率有限制 請注意,各大銀行普遍對優惠計劃嘅申請資格、存款額等設有限制,以信銀國際為例,3.8%利率嘅存款上限係$100,000,雖然申請前宜先查詢及細閱條款。

彈性欠奉、回報率稍遜 針冇兩頭利,世上沒有一種保證賺大錢嘅投資產品。同樣以「穩陣」見稱嘅藍籌股或ETF,利息一般可達約6%,當然風險亦高少少。另外,定期存款彈性欠奉,如喺存款期中提早拎錢,銀行會收取手續費,因此唔適合經常要錢周轉嘅人士。

*各銀行定存計劃詳情:
信銀國際 / 永隆銀行 / 中銀香港 / 東亞銀行 / 南洋商業 / 渣打銀行 / 恆生銀行 / 星展銀行

關於Planto

Planto於香港大學創新及創業中心組成,係一間正急速發展嘅初創企業,我哋得到數碼港及一批來自香港、英國及加拿大嘅投資者及資深顧問支持,助香港用戶向買樓、進修等人生目標進發。請到www.planto.hk了解更多。

請即Like Planto facebook專頁,或到頁底留底電郵訂閱電子通訊,收接收我哋最新消息及第一手理財資訊!

準備實現人生大計?

Planto app已推出iOS及Android版本!馬上登記,為實現理想邁出第一步。