Planto功能
關於我們
資訊安全
幫助中心Blog
EN
 / 

【投資入門】儲首期好難?Ann姐:月供股票幫你加速

【投資入門】儲首期好難?Ann姐:月供股票幫你加速

發佈日期 08-03-2019

近月香港樓市乍現「小陽春」,跌了數月的樓價忽然反彈,準上車客儲首期的速度,或難望樓價升勢項背。Planto請來財經網站cMoneyHome.tv創辦人、TVB《Ben Sir睇樓團》節目顧問Ann姐與我們分享如何透過月供股票,更快地儲到首期。

雖然Ann姐以教授買樓心得聞名,但她自言多年來一直有月供股票習慣,「以過去10年嚟講,月供股票未必有買樓賺咁多,但股票套現較快,用嚟儲錢做其他投資都好方便。」她建議上車客透過月供股票儲第一桶金,「對冇父幹嘅90後嚟講,淨係靠份糧儲首期好難,月供股票有兩個好處:第一係迫你個個月儲錢,第二係有合理回報」。

先訂立目投資目標

現時被定義為「上車盤」的屋苑,樓價一般由400萬至600萬不等。首期連雜費或需80萬至150萬元不等。Ann姐建議,上車客宜先訂立投資目標,再按能力去制定月供計劃,「假設一對情侶計劃儲100萬首期買樓,每人月儲1萬蚊,合共2萬蚊拎去做月供股票,平均年回報率5%,大約4年就可達標。」當然,4年後的100萬是否足夠做首期是未知之數,「但總好過將啲錢齋擺喺銀行」。

資金鬆動就是入市時機

月供股票是採取「平均成本法」的投資方式,Ann姐認為最大好處是「唔使睇住個市」,「升市時,股票會升值;跌市時,月供金額會買到較多股數」。但她提醒投資者應備有相等於至少3個月供款額的流動資金,「確保資金鬆動,唔會斷供,就係入市最佳時機」。

運用複息威力 越供越輕鬆

月供股票的精萃之一,是利用股息回報再投資,因此揀較高息的藍籌股,可盡享複息的威力。「月供金額佔薪金比率會慢慢減少,越供越輕鬆」。

新手宜揀穩陣股票

Ann姐指,隨着市場需求轉變,可月供的股票越來越多,連風險稍高的股票也有得揀,但投資新手切忌貪心,「都係揀返國企、ETF、公用股等最穩陣」。

推薦閱讀:

【婦女節】女性投資表現猶勝男性 重社會責任 不投資財務風險增

【上車置業】月入3萬蚊香港人 如何計劃儲錢買樓?

【信貸評級】遲還卡數影響買樓!TU報告對借錢及按揭有幾重要?

【上車置業】加按息對想買樓人士、「呼吸plan」上車族、銀行按揭業主有咩影響?

【投資入門】港元定期存款 最新優惠利率比較

【投資新手】平均成本法 不變應萬變

準備實現人生大計?

Planto app已推出iOS及Android版本!馬上登記,為實現理想邁出第一步。

香港灣仔駱克道41號東成大廈18樓1801-03室
Planto Limited © 2019